أسئلة تتكرر حول حركة النهضة

*باش تلبسو المرأة الحجاب بالسيف و تخلّوها في الدار ؟
شيء ما يجي بالغصب أوّلا و الأصل هو الحرية و ثانيا الحجاب تجعل باش تخرج المرأة مالدار موش باش تلبسو لأهلها
* ؟باهي سمعنا إلّي باش تنحّو الرشوة و الفساد المالي و باش تضرّو برشة عباد كانوا يتمعشوا منها
الأصل في الأشياء الإنسان يكسب من عرق جبينو و ما يستغلّش حاجة الناس ليه و يجترم القانون و هاك شفت نتائج الفساد المالي و الرشوة و إلّي يفكّر باش يملأ خزانتو بفلوس الرشوة يفكّر ألف مرّة قبل ما يعملها
* مممم يا خويا تي هاو قالوا عندكم فلوس جاية من وراء البحار و تنفذوا في أجندة خارجية
قالوا أي و وين الدليل ؟ تي ماو كواحد يدّعي حاجة يبرهن علاها و إلا هي إتهامات و السلام
إلي قالوا هكّة عمرهم ما تساءلوا على سنوات الجمر و من وين قاعدين زوجات 31 ألف سجين يصرفوا على ديارهم و صغارهم ؟ ما سألوش كيفاش عباد حاصروهم في قوت عيشهم من وين يعيشوا ؟ لازمهم يعرفوا إلي الناس إلي قادرة باش تكسر الحصار أيام الدكتاتورية قادرة زادة باش تصرف على مشروعها و من أمكنه الأكثر أمكنه الأقل
و الحركة هاذي وطنية مولودة من رحم هذا الشعب موش محتاجة لفلوس حد و الحمد لله و هي غنية بأولادها إلي ينحو من قوتهم و يعطوها

منقــــــــول عن صفحة صقور النهضة التونسية الإسلامية